ഒരു വാടക വീട് അന്വേഷിച്ചു നടന്ന ഡെപ്യൂട്ടി തഹസിൽദാർ ചെന്ന് കയറിയത്, താമസിച്ച് തുടങ്ങിയത്... നിഗൂഢതകൾ നിറഞ്ഞ ഒരു തറവാട്ടിലായിരുന്നു. മച്ചിന്റെ മുകളിൽ അടച്ചിടപ്പെട്ട ബുദ്ധിസ്തംഭനം ചെയ്യപ്പെട്ട രണ്ട് ആത്മാക്കൾ — അവർ എങ്ങനെ കൊലചെയ്യപ്പെട്ടുവെന്നോ, എങ്ങനെ അവർ ഇവിടെ ബന്ധിക്കപ്പെട്ടുവെന്നോ, അവർ പരസ്പരം ആരാണ് എന്ന് പോലും അറിയാതെ അവർ അവിടെ കഴിയുന്നു.

മച്ചിന്റെ മുകളിൽ കയറി നോക്കിയ നായകൻ ആത്മാക്കളുമായി സംസാരിക്കുകയും അവരുടെ മോചനത്തിനായി ഇറങ്ങുകയും ചെയ്യുന്നു. ആദ്യം അവർ ആരാണെന്ന് കണ്ടുപിടിക്കേണ്ടി വന്നു — പിന്നീട് അവർ എങ്ങനെ കൊലചെയ്യപ്പെട്ടു എന്നതിലൂടെ കഥ ചുരുളഴിയുന്നു. കഥയുടെ രണ്ടാം ഭാഗത്ത് ഈ ആത്മാക്കൾക്ക് വേണ്ടി അഭിചാരക്രിയകൾ ചെയ്യുന്ന ഒരു മന്ത്രവാദിയുമായി നായകന് ഏറ്റുമുട്ടേണ്ടി വരുന്നു.

സ്വന്തം ജീവൻ പണയം വെച്ച്, തോറ്റുപോയാൽ താനും ആ ആത്മാക്കളെ പോലെ മച്ചിന്മേൽ അടയ്ക്കപ്പെടുമെന്ന് അറിഞ്ഞുകൊണ്ടു തന്നെ നായകൻ ഇറങ്ങുന്നു.

ഈ നോവൽ വായിച്ചു തുടങ്ങുന്ന നിങ്ങൾ — സ്ത്രീയോ പുരുഷനോ ആയിക്കൊള്ളട്ടെ — നിങ്ങളാണ് ഇതിലെ നായകൻ. ഇതിനോളം ഉദ്യോഗജനകമായ മറ്റൊരു മാന്ത്രിക നോവൽ ഇന്നേവരെ എഴുതപ്പെട്ടിട്ടില്ല.